Të jemi të ndjeshëm ndaj situatës, t’i respektojmë rekomandimet e IKSHPK-së

A është e thënë që qytetarët tanë duhet të përfshihen në çdo çështje për të besuar në faktet dhe këshillat që japin ekspertët në fusha të caktuara?!

Ose, a duhet që çdo qytetarë duhet të ketë virus që të bindemi se ka virus?!

Shkruan: Sami SPAHIU     –    2LONLINE.com 

Mosbesimi nga qytetarët dhe spekulantët e pandërgjegjshëm se nuk ka virus, është rezultati më i hidhur i 24 orëve të fundit me 12 të vdekur nga virus Covid-19.

Ngushëllime të gjitha familjeve që kanë humbur më të dashurit e tyre nga virusi që ka përfshirë gjithë botën.

?KUJDES ?KUJDES ?KUJDES

Këto numra dhe statistikat në nivel kombëtar që aq lehtë i shkruajmë, i lexojmë dhe i krahasojmë mes qyteteve tona, por mos harroni se këto viktima nuk janë vdekur pa vuajtje dhe pa dhimbje, ku dhjetëra familje në Kosovë kanë humbur më të dashurve e tyre.

Mos lejoni asnjëherë që mendjet dhe zemrat tona kolektive, të jenë të pandjeshme ndaj kësaj fatkeqësie që ka përfshirë krejt botën, përderisa ende jemi në kohë PANDEMIE!

?KUJDES?

Respektoni rregullat e Institutit Kombëtar të Shëndetit Publik të Kosovës (IKSHPK)

Distancë sociale, mos dilni në ambiente ku mund të mos respektohet distanca sociale dhe masat parandaluese kundër covid-19. Bartja e maskave është obligim për ju dhe shpëtim për të tjerët.

Kosova ka shansin e FUNDIT që të përballojë me ma lehtësi këtë pandemi që ka përfshirë krejt botën.

Për çdo nevojë, problem apo shërbim,

☎️THIRRNI NË NUMRAT EMERGJENT

? #112 Qendrën Operative Emergjente
? #194 EMERGJENCA e ndihmës së shpejtë mjekësore
? #192 POLICIA e Kosovës
? #193 ZJARRFIKËSAT

Sami SPAHIU
Drejtori për Mbrojtje dhe Shpëtim
Komuna e Gjilanit/Republika e Kosovës