Të dyshuarit F. S. (1971) i konfiskohet arma dhe automjeti

(2L ONLINE) – Policia e Kosovës në Gjilan ka marr informacion se ka gjuajtje me armë në afërsi të Udhëkryqit te rruga Qarkore me rrugën e Prishtinës. Njësiti Reagues i policisë ka dal ne vendin e ngjarjes , ku ka grumbulluar informacione dhe aty ka gjetur një gëzhojë cal. 9mm.

Zëdhënësi i Policisë toger Ismet Hashani ka bërë me dije se vetura nga e cila është gjuajtur është Pikap CADY targat vendore dhe se e njëjta kishte shkuar në drejtim të qytetit të Gjilanit.

“Njësitet patrulluese pas një kohe të shkurtër kanë arritur ta lokalizojmë veturën nga e cila është gjuajtur. Gjatë bastisjes është gjetur një gëzhojë 9 mm ne Parafango të veturës. I dyshuari F. S. (1971) e ka dorëzuar armën e llojit STIGSTAUER dhe karikatorin e zbrazur. Automjeti dhe arma e të dyshimtit janë Konfiskuar nga policia e Kosovës”, thotë zëdhënësi Hashani.

Sipas tij, me vendim të Prokurorit të Shtetit, i dyshuari është dërguar në mbajtje për 48 orë dhe rasti procedohet në prokurorin Themelore. /2L ONLINE/