“Të angazhuar në ofrimin e kushteve sa më të mira, rendit dhe funksionalitetit për shfrytëzuesit e Tregut të Kafshëve”

“Tregu i Kafshëve në Gjilan edhe këtë fundjavë po karakterizohet me frekuentim të madh të tregtarëve dhe qytetarëve, duke reflektuar aktivitetin e shtuar tregtar dhe interesimin e madh për blerje dhe shitje të kafshëve”, thuhet në njoftimin e ndërmarrje Publike Lokale “Tregu”, në Gjilan, transmeton 2LONLINE.

Sipas drejtuesve të kësaj ndërmarrjeje, gjithashtu, duke qenë afër Festës së Kurban Bajramit, vërehet një numër edhe më i madh i vizitorëve dhe pjesëmarrësve në treg, në frymën e traditës dhe përgatitjeve për festën, transmeton 2LONLINE.

“NPL “Tregu” Sh.A vazhdon të jetë e angazhuar në ofrimin e kushteve sa më të mira, rendit dhe funksionalitetit për të gjithë shfrytëzuesit e tregut”, thuhet në njoftim.  /2LONLINE/