Tani ka fillua me u bë edhe më alarmante situata!
Shkruan: Mediana Bislimi
Domethënë, vrasjet e grave po ua rrisin egon shumë burrave dhe, në vend që ti ndalin e ti vetëdijesojnë, po ua shtojnë edhe më shumë tendencën për të kërcënuar e keqtrajtuar gra të tjera.
Paramendojeni edhe sa burra të tjerë janë duke i kërcënu e duke i keqtrajtu psikologjikisht gratë këto ditë, në shtëpitë e tyre, me shprehje si: “Ta boj si Arlindës”, “Ajo kish qu kry shumë”… “Ajo kish desht mi ja përzan vjehrrën e kunatin”…
Duhet me reagu kolektivisht! Mos me heshtë përballë këtyre kërcënimeve e formave të dhunës psikologjike. Sa herë që normalizohen këto shprehje, dikush tjetër frikësohet brenda katër mureve të shtëpisë së vet.
Dhuna nuk është çështje private, e heshtja veç e forcon atë.
Gra, mos ua fshihni të tjerëve sjelljet e burrave tuaj dhe mos i paraqitni në rrjete sociale sikur jeni në një relacion perfekt, kur realiteti brenda shtëpisë është krejt ndryshe. Nuk është e rëndësishme çka mendoj unë apo dikush tjetër për ju. E rëndësishme është çka po përjetoni ju, larg syve të të tjerëve, brenda mureve të shtëpisë suaj. /2LONLINE/