Takohet Bordi i Drejtorëve: U trajtuan çështje që lidhen me performancën dhe ofrimin e shërbimeve për konsumatorët

Bordi i Drejtorëve i KRU “Hidromorava” mbajti mbledhjen e nëntë (IX) të rregullt për vitin 2025, ku së bashku me Menaxhmentin e Kompanisë u trajtuan çështje që lidhen me performancën dhe ofrimin e shërbimeve për konsumatorët .

Pas shqyrtimit, Bordi i Drejtorëve miratoi:

● Raportin e punës për muajin gusht 2025 .

Gjatë diskutimeve u theksua se edhe në muajin gusht, Kompania ka arritur të menaxhojë me sukses furnizimin me ujë në të gjithë zonën e shërbimit, duke përmbushur kërkesat e shtuar gjatë sezonit veror. Kjo është arritur falë një koordinimi të mirë operacional dhe mbikëqyrjes së vazhdueshme të burimeve ujore.

Njëkohësisht, është vazhduar me aksionin për reduktimin e ujit të pa faturuar, evidentimin e keqpërdorimeve dhe ndërprerjen e lidhjeve ilegale, masa këto që kontribuojnë drejtpërdrejt në rritjen e efikasitetit dhe rezultateve financiare të Kompanisë.

Në përfundim, u vlerësua se puna e deritanishme dëshmon angazhim dhe përkushtim për të siguruar shërbime stabile dhe cilësore, si dhe për të realizuar objektivat dhe projektet investive të planifikuara për vitin 2025 .  /2LONLINE/