Takohen Rukiqi e Azizi, flasin për fuqizim të mëtutjeshëm të bashkëpunim Polici – Gjykatë

Në vazhdën e takimeve që po i realizon Drejtori i Drejtorisë Rajonale në Policinë e Kosovës (DRP) -Gjilan, Kolonel Agron Rukiqi me bashkëpunëtorë, ka pritë në takim zyrtar kryetarin e Gjykatës Themelore në Gjilan, Ramiz Azizi me stafin e tij. 

Kolonel Rukiqi e falënderoi kryetarin e Gjykatës z.Azizin, për  bashkëpunimin që  gjykata themelore në Gjilan ofron për Policinë e Kosovës. 

Udhëheqësit e të dy institucioneve biseduan për tema që ndërlidhën me bashkëpunimin reciprok duke u dakorduar se ky bashkëpunim do të fuqizohet akoma më shumë në të ardhmen.

Drejtoria Rajonale e Policisë në Gjilan mbetët e përkushtuar në  mbrojtjen e rendit publik dhe ligjit duke ngritur bashkëpunimin me prioritet me institucionin e Gjykatës.

Policia e Kosovës duke zbatuar ligjet e aplikueshme synon në krijimin e një ambienti të qetë për të gjithë qytetarët e saj, u tha në këtë takim. /2LONLINE.com/