Takohen përfaqësuesit e Lëvizjes “Vatra” dhe Forcës së Diasporës për Atdheun

/2L ONLINE/ – Përfaqësuesit e Lëvizjes Qytetare ‘Vatra” me seli në Gjilan, janë takuar me përfaqësuesit e organizatës Forca e Diasporës për Atdhe, në te cilin takim u shpalosen qëllimet dhe vizionet e te dyja palëve për të ardhmen.

Kryetarja e Lëvizjes Qytetare “Vatra”, Gentiana Shabani, dhe Gani Krasniqi e Kushtrim Kadriu, nga kryesia e Vatrës, i njoftuan të pranishmit për aktivitetet e deritanishme të kësaj Lëvizjeje si dhe për objektivat për të ardhmen.

Kryetari i FDA, Hamdi Muhamedi ka shpalosur platformën e organizatës se tyre duke kërkuar bashkëpunim ne arritjen e synimeve për ndryshim të gjendjes për të mirë të mbarë popullit shqiptarë.

Përfaqësuesit e Lëvizjes Qytetare”Vatra” kanë kërkuar që kjo organizatë të realizojë projekte në Kosovën Lindore sepse është nevojë urgjente për të investuar në atë regjion.

Në fund palët e takuara i kanë premtuar bashkëpunim të ndërsjellë, sidomos për mbrojtjen e interesave të qytetarëve të Kosovës Lindore dhe atyre të cilët jetojnë në Kosovë, por edhe bashkëpunimin vëllazëror me gjithë shqiptarët kudo që jetojnë. /2L ONLINE/