Takohen për t’i koordinuar të gjithë mekanizmat në interes të sigurisë publike

Me qëllim të koordinimit të gjithë mekanizmave në raste të ndryshme emergjente, por edhe të parandalimit të zjarreve, vërshimeve, etj, kryetari i komunës së Vitisë, Sokol Haliti, ka thirrur sot një takim të përbashkët.

Në këtë takim morën pjesë përfaqësues nga Policia e Kosovës, Stacioni në Viti, në krye me komandantin Afrim Halili por edhe përfaqësues të Njësisë së Zjarrfikësve dhe Shpëtimi, DSHPE- së, Inspekcionit, Pylltarisë etj.

Kryetari Haliti tha se duhet të punojmë bashkërisht për sigurinë publike duke u koordinuar të gjitha mekanizmat në këtë drejtim.

Gjithashtu u fole dhe për përditësimin e dokumenteve që kanë të bëjnë me vlerësimin e rreziqeve apo të rasteve emergjente.  /2LONLINE/