Takohen bizneset nga diaspora me ato të Gjilanit

2L ONLINE/ – Sot në Gjilan mbahet forumin me temën “Mundësitë për investime në Komunën e Gjilanit” dhe takimi Biznes me Biznes (B2B) në mes bizneseve nga diaspora dhe bizneseve nga Komuna e Gjilanit.

Në takim do të marrin pjesë Kryetari i Komunës Lutfi Haziri i cili do të flet për “Mundësitë për investime në komunën e Gjilanit”, pastaj Ministri për Diasporë z.Valon Murati i cili do të paraqitet me temën “Roli dhe rëndësia e mërgatës për investimet në Kosovë”.

Po ashtu pjesë e këtij takimi do të jenë edhe organizatat ndërkombëtare e lokale si USAID, BE, GIZ, HELP, KfW, CARE, CDF, ARDA, KIESA të cilat me programet e tyre po kontribuojnë në zhvillimin ekonomik lokal .

Takimi Biznes me Biznes (B2B) do të mbahet sot (e hënë), me 1 gusht 2016 në ora 10.oo në restorant “Vali Ranch” , Përlepnicë – Gjilan. /2L ONLINE/