Takime të rëndësishme për ndërtimin e urave të bashkëpunimit ndërkombëtar dhe për forcimin e lidhjeve institucionale

Alban Hyseni, kryetar i Komunës së Gjilanit, ka bërë me dije se gjatë qëndrimit të tij në Turqi zhvilloi një takim me Kryetarin e Partisë për Drejtësi dhe Zhvillim (AKP) në Komunën Osman Gazi, Adnan Kurtuluş.

“Takimi u zhvillua në frymë miqësore dhe bashkëpunuese, ku diskutuam për forcimin e bashkëpunimit ndërmjet komunave, shkëmbimin e përvojave në qeverisjen lokale, si dhe mundësitë për projekte të përbashkëta në të ardhmen, në dobi të qytetarëve tanë”, ka thënë kryetari Hyseni.

Ai shtoi se këto takime janë të rëndësishme për ndërtimin e urave të bashkëpunimit ndërkombëtar dhe për forcimin e lidhjeve institucionale. /2LONLINE/