Takim përshëndetës i përfaqësuesve të LOGOS-it me strukturat komunale

(2LONLINE) – Kryetari i komunës së Kamenicës, Shaip Surdulli me bashkëpunëtorë priti stafin  e projektit  LOGOS, në krye me menaxherin  e këtij projekt Norbert  Pijls,i me rastin e përmbylljes së aktivitetit tyre.

Surdulli,e falënderoi Norbert,si dhe qeverinë zvicerane financuese  e projektit në fjalë, për kontributin e  dhënë  në komunën e Kamenicës në shumë sfera.

Ai, e ilustroi me disa shembuj: aftësimi i  stafit  komunal me trajnimeve ,seminareve ,punëtori etj. Realizimi i projekte të infrastrukturës, rregullimi dhe mobilimi i qendrës për shërbime të qytetarëve, përgatitja e projekt rregullores  dhe ndihma e organizimit të zgjedhjeve për këshillat lokale, organizimi i debateve për buxhetin komunal, përgatitja e planit zhvillimor komunal,si edhe atij urban.

Stafi komunal dhe  qytetarët e Kamenicës, janë të kënaqur me punën e mirë që e keni bërë ju për të mirën e qytetarëve të komunës së Kamenicës, tha kryetari Surdulli. Ndërsa drejtori i Administratës së Përgjithshme, Enver Ajvazi falënderoi Norbert dhe stafin e tij për kontributin që e ka dhënë për drejtorinë tij, sidomos me rregullimin e qendrës për shërbimin e qytetarëve, aftësimin e stafit të kësaj qendre, kështu  duke krijuar kushte të mira pune për punonjësit dhe efikasitet  në shërbime për qytetarët.
Ndërkaq, Norbert u shpreh: edhe ne kemi përfituar nga bashkëpunimi me komunën e Kamenicës ,atë që e kemi realizuar këtu me ju, e kemi aplikuar pastaj në komunat tjera .Edhe pse përfundon ky projekt, Qeveria zvicerane do të  vazhdoj  ti mbështes komunat e Kosovës, duke e zgjeruar numrin e tyre në 20.

Ato mjete janë të taksapagueseve zviceran, por edhe të kosovarëve që punojnë atje.

LOGOS-i i kishte përgatitur ca mirënjohje  për drejtori e zyrtar me të cilët kishte pasur  bashkëpunim. Po ashtu në emër të komunës kryetari Surdulli i ndau  mirënjohje  stafit të LOGOS-it. /2lonline/