Takim motivues me legjendat e futbollit gjilanas

Në ambientet e SHFMU “Mulla Idris Gjilani”, Velekincë, u organizua një aktivitet i veçantë me pjesëmarrjen e figurave të spikatura të futbollit gjilanas: Muharrem Sahiti, Selajdin Jerliu – Coli, Ismet Ramushi dhe Premton Muja.

Drejtori i shkollës, Zaim Zymeri mbajti fjalën e rastit, duke vlerësuar kontributin e tyre të çmuar në sport dhe rolin e tyre frymëzues për brezat e rinj.

Futbollistët e ftuar prezantuan karrierën dhe përvojën e tyre profesionale, duke ndarë histori suksesi, sfida dhe mesazhe motivuese për nxënësit. Nxënësit treguan interesim të madh, duke parashtruar pyetje të ndryshme dhe duke krijuar një bashkëbisedim të hapur e frymëzues.

Gjatë aktivitetit u shfaq një video–insert me momente nga ndeshjet dhe rrugëtimi sportiv i futbollistëve, e cila u prit me emocion dhe entuziazëm nga të pranishmit.

Në përmbyllje, Drejtori i Shkollës ndau mirënjohje për të ftuarit, në shenjë respekti dhe falënderimi për kontributin e tyre të vyer dhe për mesazhet motivuese që sollën në shkollën”Mulla Idris Gjilani” .  /2LONLINE/