Takim me shefat e Grupeve të Këshilltarëve Komunal

/2L ONLINE/ – Kryesuesja e Kuvendit të Komunës së Gjilanit, Valentina Bunjaku – Rexhepi, ka mbajtur sot një takim me shefat e Grupeve të Këshilltarëve Komunal, ku janë marrë vesh që gjatë ditës së nesërme të mbajnë mbledhjen e Komitetit për Politikë dhe Financa, për të diskutuar rreth statutit të Qendrës Kryesore të Mjekësisë Familjare, statut që është i njëjtë për të gjithë QKMF – të e Komunave të Kosovës.

Me këtë rast kryesuesja e Kuvendit të Komunës, Bunjaku – Rexhepi, ka thënë se janë marrë vesh që nesër të mbahet komiteti për Politikë dhe Financa me një pikë të vetme.

“U pajtuam me të gjithë shefat e GK, që gjatë ditës së nesërme të thërrasim mbledhjen e Komitetit për Politikë dhe Financa, për një pikë të vetme, Statutin e QKMF – së, respektivisht rekomandimin e tij për Kuvendin Komunal, në seancën e radhës”, ka thënë Bunjaku – Rexhepi.

Prezantimin e shkurtër të statutit e ka bërë këshilltari i ministrit të Shëndetësisë, Zejdush Tahiri, i cili ka informuar se ky dokument është i njëjtë për të gjitha QKMF – të, në të gjitha Komunat e Kosovës. /2L ONLINE/