Takim me Nënkryetaren e Parlamentit Evropian Ulrike Lunacek

Kryetari i Lëvizjes VETËVENDOSJE!, Albin Kurti dhe Deputetja Puhie Demaku kanë pritur sot në takim Nënkryetaren e Parlamentit Evropian, Ulrike Lunacek.

Gjatë këtij takimi znj.Lunacek u njoftua gjerësisht lidhur me qëndrimin e Lëvizjes VETËVENDOSJE! për zhvillimet e fundit politike në Kosovë.

“Qeveria e re dhe kryeparlamentari i ri janë probleme të vjetra të Kosovës, të cilat e thelluan edhe më tej krizën në vendin tonë. Lëvizja VETËVENDOSJE! do ta bëjë edhe më fuqishëm opozitën në këtë mandat,” – tha midis të tjerash Kryetari Albin Kurti.

Përveç të tjerash gjatë takimit të dy palët u zotuan për vijimin e takimeve dhe bashkëpunimit më të ngushtë mes të grupit parlamentar të VETËVENDOSJE!-s, Parlamentit Evropian dhe institucioneve të Bashkimit Evropian.