Takim me komunitetin serb dhe rom në kuadër të dëgjimeve buxhetore për planifikimin e buxhetit komunal

“Sonte, në fshatin Shillovë, zhvilluam takim me komunitetin serb dhe komunitetin rom, në kuadër të dëgjimeve buxhetore për planifikimin e buxhetit komunal 2027–2029”, thuhet në njoftimin e Komunës së Gjilanit.

Takimi u kryesua nga Kryesuesja e Kuvendit Komunal, znj. Krenare Latifi Kqiku, me pjesëmarrjen e Nënkryetarit për Komunitete, z. Kadir Hysein, Drejtorit për Mbrojtje dhe Shpëtim, z. Enver Shabani, si dhe Drejtorit për Buxhet dhe Financa, z. Avdyl Kastrati.

Dëgjimi buxhetor u monitorua gjithashtu nga përfaqësuesi i OSBE-së.

“Gjatë takimit dëgjuam kërkesat, propozimet dhe prioritetet e banorëve, të cilat do të shqyrtohen gjatë procesit të planifikimit buxhetor. Pjesëmarrja e qytetarëve është thelbësore për hartimin e një buxheti gjithëpërfshirës, transparent dhe në shërbim të të gjitha komuniteteve”, thuhet në njoftimin e komunës. /2LONLINE/