Takim koordinues rreth iniciativës “Arti në Shkolla”
“Bashkë me drejtorin e Arsimit, Shpend Nuhiu, dhe drejtorin për Kulturë, Rini dhe Sport, Kushtrim Zeqiri, zhvilluam një takim koordinues me drejtorët e shkollave të mesme rreth iniciativës “Arti në Shkolla””, ka thënë Alban Hyseni, kryetari i Komunës së Gjilanit.
Në këtë takim morën pjesë edhe Kushtrim Jakupi, drejtor i Shkollës së Muzikës, Roland Masurica, drejtor i Shkollës së Artit, si dhe Arton Hoxha, drejtor i Qendrës Rajonale për Trashëgimi Kulturore.
“Kjo iniciativë, e nisur para dy vitesh në komunën tonë, ka dhënë rezultate të prekshme dhe jemi të vendosur që ta vazhdojmë edhe në vitet e ardhshme, duke sjellë më shumë art e kulturë për nxënësit tanë”, ka thënë i pari i Gjilanit, Alban Hyseni. /2LONLINE/