Takim koordinues për realizimin e dy aktiviteteve të rëndësishme për siguri të përgjithshme

Takim koordinues në mes të Policisë së Kosovës dhe Komiteti Lokal të Sigurisë në Bashkësi të  fshatit Pogragjë, për parandalimin e “Abuzimit me narkotikë” dhe “Mbrojtjen nga zjarret”.

Policia e Kosovës, Drejtoria Rajonale e Policisë në Gjilan, në zyrën për kontakte me qytetarë në fshatin Pogragjë, ka zhvilluar një takim udhëhequr nga Koordinatori i Projekteve për Komunitet dhe Parandalim Drejtoria Rajonale e Policisë Gjilan Toger Fatos Latifi dhe Avdil Islami kryetra i Komitetit Lokal për Siguri në Bashkësi (KLSP)  fshati Pogragjë.

Temë kryesor e këtij takimi ishte diskutimi mbi gjendjen e përgjithshme të sigurisë në fshat dhe koordinimi i hapave konkretë për realizimin e dy aktiviteteve të rëndësishme për siguri të përgjithshme:

Plani i Veprimit „Stop drogave 2026“ diskutime mbi masat parandaluese dhe vetëdijesimin e rinisë dhe komunitetit kundër kësaj dukurie te rrezikshme për shoqërinë, pasojat që shkaktojnë përdorimi i narkotikeve etj.

Projekti tjetër „Bashkësi e sigurt pa zjarre“ realizmi i përbashkët në mes te Policisë dhe Komitetit Lokal për Siguri në Bashkësi (KLSP) -Pogragjë për sensibilizimin  që synon parandalimin e zjarreve në ambiente të hapura, mbrojtjen e mjedisit, si dhe njoftimin e qytetarëve mbi pasojat e zjarreve dhe sanksionet ligjore që parashihen për personat e papërgjegjshëm që shkaktojnë zjarr vënie.

Policia e Kosovës shprehë falënderim të sinqertë për bashkëpunimin e treguar nga ana e anëtarëve te këtij komiteti, duke ri konfirmuar se bashkëpunimi i Policisë me Komitetit Lokal për Siguri në Bashkësi (KLSP),  mbetet gjithmonë një urë lidhëse dhe një derë e hapur për çdo brengë dhe iniciativë të qytetarëve.

Policia e Kosovës dhe Komiteti  Lokal i Sigurisë – Pogragjë mbeten të përkushtuara në identifikimin dhe adresimin e nevojave të qytetarëve, me synim krijimin e një ambienti të qetë dhe sa më të sigurt për të gjithë, thuhet në fund të njoftimit të Policisë së Kosovës.   /2LONLINE/