Takim i përbashkët ndërinstitucional, Polici – KBI

Në kuadër të aktiviteteve dhe takimeve ndërinstitucionale, Drejtori  i Drejtorisë Rajonale të Policisë në Gjilan Kolonel Agron Rukiqi së bashku me staf  janë pritë në  takim pune nga kryetari i Këshillit të Bashkësisë Islame në Gjilan, Naim Aliu dhe Kryeimamin, Iljaz Mustafa. Me këtë rast është bashkëbiseduar në lidhje me çështje  të  interesit të ndërsjellë.

Kolonel Rukiqi e  njoftoi kryetarin e Këshillit të Bashkësisë Islame z. Naim Aliu se situata e sigurisë  në rajonin e Gjilanit është e qetë dhe stabile dhe se Policia e Kosovës është e përkushtuar për të ofruar siguri dhe bashkëpunim me të gjithë. 

Të dy bashkëbiseduesit u  zotuan për takime në të ardhmen sa herë që vlerësohen të nevojshme në kuadër të fushëveprimit të dy institucioneve që kanë interes të përbashkët  sigurinë dhe ruajtjen e vlerave njerëzore për të cilat të dy institucionet kanë angazhime secila në  fushëveprimin  e sajë.

Drejtoria Rajonale e Policisë në Gjilan mbetët e përkushtuar në  mbrojtjen e rendit  dhe sigurisë publike duke ngritur bashkëpunimin me prioritet me qytetarët dhe të gjithë institucionet  relevante të rajonit të Gjilanit.

Policia e Kosovës duke zbatuar ligjet e aplikueshme synon krijimin e një ambienti të qetë dhe të sigurt për të gjithë qytetarët e saj, ka thënë zëdhënësi i Policisë, Ismet Hashani.  /2LONLINE/