Tahiri: Të premten dihen detajet e marrëveshjes për lëvizje të lirë Kosovë-Serbi

Ministrja për dialog në Qeverinë e Kosovës, Edita Tahiri, në një prononcim për Telegrafin ka theksuar se të premten do të bëhen të ditura modalitetet për marrëveshjen e arritur për lëvizje të lirë në mes Kosovës dhe Serbisë.

Ajo tha se pret që deri nesër të bëhet komunikimi zyrtar nga ana e Qeverisë së Republikës së Kosovës, me të gjitha detajet sqaruese që parasheh kjo marrëveshje.

“Përgatitjet po bëhen, dhe nesër bëhet komunikimi zyrtar nga ana e Qeverisë së Republikës së Kosovës, me të gjitha detajet sqaruese që parasheh kjo marrëveshje”, ka shtuar Tahiri.

Ndryshe, kryesuesi i delegacionit të Kosovës për dialogun në Bruksel, Rrahim Pacolli, në një prononcim për media ka thënë se me marrëveshja për lëvizje të lirë Kosovë-Serbi, nënkupton heqjen e pagesave të automjeteve, duke njohur kështu në mënyrë reciproke policat e sigurimit.