Tahiri: Po na matet pulsi, që nëse durojmë 2 orë verës do të mund të duronim edhe 12 orë dimrit!

Shefi i Grupit Parlamentar të Aleancës për Ardhmërinë e Kosovës, Besnik Tahiri ka reaguar pas paralajmërimit për reduktimet me energji elektrike.

Përmes një postimi në Facebook, Tahiri ka thënë se ky paralajmërim është fushatë psikologjike e Qeverisë Kurti.

Postimi i plotë:

Paralajmërimi i reduktimeve në pikë të verës, është asgjë më shumë se paralajmërim i një fushate psikologjike të Qeverisë Kurti.

Është thirrje që të bëhemi gati për një dimër të gjatë. Është test i durimit, është test i manovrimit, është test i mashtrimit.

Po na matet pulsi, që nëse durojmë 2 orë verës, do të mund të duronim edhe 12 orë dimrit.

Kësaj duhet thënë stop tani, ndryshe do jetë vonë! /2LONLINE/