Surdulli uron fillimin e vitit shkollor

Kamenicë – (2LONLINE) – “Të gjithë nxënësve, arsimtareve, profesorëve, drejtoreve te shkollave, prindërve të nxënësve nga komuna e Kamenicës dhe me gjerë iu uroj fillimin e vitit te ri shkollor 2013/2014, duke u dëshiruar shëndet dhe suksese në mësime” ka thënë kryetari i Komunës së Kamenicës, Shaip Surdulli.
Drejtoria e Arsimit dhe përfaqësues të kësaj drejtorie sot, tërë ditën ishin në terren për ta verifikuar nga afër fillimin e këtij viti shkollor.

Përgjegjësi për administratë dhe personel Xhevat Ramadani, deklaroi se vitin e ri shkollor 2013/2014 ka filluar me kohë edhe në të gjitha shkollat e komunës

Ai tha se përgatitjet për këtë vit shkollor kanë filluar ende pa u përmbyll procesi mësimor i vitit shkollor paraprak..me kohë është bërë përzgjedhja e drejtorive në disa shkolla SHFMU,si Hodonoc, Rogaçicë, Hogosht etj, është bërë përgatitja teknike e objekteve shkollore,( pastrimi dhe gëlqerosja) .

Ndërsa është bërë furnizimi me inventarë i SHFMU ”Abdullah Krashnica- Presheva” në Koretin ,ku edhe është duke u bërë riparimi i jashtëm i objektit të kësaj shkolle dhe asaj në Hogosht ka thënë Ramadani. /2lonline/

KOMENTE