Superliga, xhiroja e katërt: Drita mysafire e Prishtinës, Gjilani mirëpret Malishevën

Sot zhvillohen të gjitha ndeshjet e xhiros së katërt në Albi Mall Superligë. Në fokusin tonë janë ballafaqimet e skuadrave gjilanase, FC Drita e SC Gjilani që do të ballafaqohen me kundërshtarët e tyre, Prishtinën përkatësisht Malishevën.

Kampioni i Kosovës FC Drita, do të jetë skuadër udhëtuese ku do të ballafaqohet me Prishtinën. Për shkak të angazhimeve në garat evropiane, kjo është ndeshja e tretë e skuadrës bardh e kaltër nga Gjilani dhe një mundësi e mirë për të ardhur deri te fitorja e parë. Drita aktualisht ka një barazim me Llapin dhe një humbje nga Ferizaj, derisa ndeshja me Drenicën do të zhvillohet më vonë, transmeton 2LONLINE.

Ndeshja Prishtina – Drita zhvillohet nga ora 20 e 15.

Skuadra tjetër gjilanase, SC Gjilani, mirëpret Malishevën për të kërkuar fitoren e radhës, pas asaj të xhiros së kaluar kur mundi ekipin e Prishtinës, por përveç fitores gjeti edhe një lojë të mirë, që mëton ta përsërisë, e pse jo edhe ta avancojë e përsos.

Gjilani nga këto tri xhiro ka barazuar me Ballkanin, ka humbur nga Dukagjini dhe ka fituar ndaj Prishtinës.

Ndeshja Gjilani – Malisheva zhvillohet nga ora 15:00.

Përndryshe në ballafaqimet tjera të kësaj jave takohen:
Ballkani – Drenica
Dukagjini – Ferizaj
Prishtina e Re – Llapi

Këto ndeshja fillojnë në ora 15:00: /2LONLINE/