Suma: Mos e themeloni Gjykatën Speciale

Ish-komandanti i Brigadës 164 të UÇK-së, Rufki Suma, i cili mban postin e kryetarit të Hanit të Elezit, ka thënë se themelimi i Gjykatës Speciale është e turpshme dhe fyese për Kosovën dhe UÇK-në.

“Krejt bota e di kush ka bërë krime. Publikisht dihet se krime ka bërë Serbia, e jo UÇK-ja. Sikur të kishte bërë krime Kosova, apo shqiptarët, atëherë shtrohet pyetja pse intervenoi NATO-ja?. Atëherë edhe NATO-ja paska bërë krime që ka intervenuar kundër Serbisë”, ka thënë Rufki Suma në një intervistë për “Epokën e re”.

Sipas tij, themelimi i kësaj gjykate po bëhet me vetëdije të politikanëve që janë në kryet të shtetit.

Ai mendon se Kuvendi i Kosovës ka fuqi për ta refuzuar themelimin e Gjykatës Speciale. “Institucionet e Kosovës nuk duhet ta themelojnë këtë gjykatë. Me Gjykatën Speciale fyhet lufta e

UÇK-së, e me fyerjen e kësaj lufte fyhet i gjithë populli i Kosovës”, ka thënë Suma .