Sulmuesi shkodran është shprehur i lumtur me mirëpritjen që ka gjetur te “kuqebardhët”

Sulmuesi anësor nga Shkodra, Mehdi Çoba, i cili ditë më parë u prezantua si futbollisti më i ri i skuadrës së Gjilanit, ka thënë se ndihet i lumtur me mirëpritjen që ka gjetur te kjo skuadër dhe ka premtuar që do të jep maksimumin për objektivat e klubit.

“Jam pritur jashtëzakonisht mirë. Këtë gjë e kam pritur, pasi që jam interesuar dhe e kam ditur se në cilin klub po vij. Mezi po pres që të nis punën me ekipin”, ka thënë Çoba.

Ai premtoi se do ta jep maksimumin, do ta ndiej fanellën me zemër dhe do të bëjë çdo gjë që është e mundur për t’i arritur bashkë, objektivat e klubit.

Kujtojmë se Çoba është përforcimi i katërt në këtë afat kalimtar që ka bërë SC Gjilani, pas Besart Krivanjevës, Mevlan Adilit dhe Lorik Boshnjakut.  /2LONLINE/