Sulmi me eksploziv do të dëmtonte rëndë imazhin e Kosovës

Ekspertët e sigurisë vlerësojnë se po të realizohej sulmi terrorist i serbit të arrestuar në Prishtinë me 12 kg eksploziv, Kosova përveç dëmeve eventuale në njerëz dhe atyre materiale, edhe më shumë të dëmtohej imazhi i saj.

Eksperti i sigurisë Agim Musliu, në një intervistë të shkurtër në RTK, ka thënë se, nëse serbi i arrestuar do të arrinte ta realizonte planin e tij terrorist, atëherë shteti i Kosovës, do të pësonte një dëm të madh në imazhin e saj.

Në planin e jashtë, sipas tij, Kosova do të paraqitej si një vend i cili nuk është në gjendje të ofrojë siguri. Ndërsa, në planin e brendshëm, ai thotë se, në Kosovë do të mund të hapej konflikti ndërfetar.

Beogradasi i arrestuar me 12 kg eksploziv në Prishtinë, sipas organeve të sigurisë, kishte në plan të sulmonte Katedralen në Prishtinë, pikërisht gjatë festës së Krishtlindjes.