Suliqi: Cilësia e ujit brenda standardëve të parapara, ekipet e Hidromoravës në gjendje gatishmërie

Suliqi: Cilësia e ujit brenda standardëve të parapara, ekipet e Hidromoravës në gjendje gatishmërie

Drejtues të Kompanisë Rajonale të Ujësjellësit “Hidromorava” në Gjilan, kanë bërë të ditur se kualiteti i ujit, i shpërndarë në rrjetin e ujësjellësit është brenda standardëve të parapara për cilësinë e ujit për konsum, ndërsa pas reshjeve të mëdha të shiut që kanë ndodhur edhe në Gjilan, ekipet e operimit dhe mirëmbajtjes së rrjetit të ujësjellësit dhe kanalizimit si dhe të monitorimit të cilësisë së ujit dhe prodhimit, janë në gjendje gatishmërie 24 orë në ditë, transmeton 2LONLINE.com.

Muhamed Suliqi. drejtor ekzekutiv në “Hidromorava”, ka bërë me dije për Portalin 2LONLINE se uji i shpërndarë në rrjetin e ujësjellësit prej KRU “Hidromorava” është brenda standardëve të parapara me UA 16/2012 për cilësinë e ujit për konsum nga njeriu.

Suliqi tha se trajtimi monitorohet me sistem të avancuar teknologjik dhe mbikëqyret nga ekipet profesionale të teknologëve dhe inxhinierëve të kompanisë.

Po ashtu, sipas tij, në baza ditore kryhen analizat fiziko-kimike nga laborantët tanë, po ashtu analizat mikrobiologjike bëhen nga Instituti Regjional i Shëndetit Publik.

“Cilësia e ujit përveç kontrollit nga ekipet e KRU “Hidromorava”, monitorohet edhe nga Instituti Regjional i Shëndetit Publik në Gjilan”, ka thënë drejtori Suliqi.

Ndërsa, kur jemi te angazhimet që janë duke u ndërmarr pas reshjeve të shiut edhe në Gjilan,  Suliqi tha se ekipet e Hidromoravës janë në gatishmëri 24 orë në ditë dhe se janë në kontakt të përhershëm edhe me Shtabin Emergjent të Komunës së Gjilanit.

”Ne jemi këtu për qytetarët, për konsumatorët e Kompanisë dhe se jemi në gatishmëri të përhershme për të ofruar ujë cilësor për pije sipas standardeve, por edhe për të ndërhyrë ku kërkohet, për shkak të të reshurave atmosferike”, ka thënë Suliqi, transmeton 2LONLINE.com.

Ai tha se janë të mobilizuar e përcjellim kohën vazhdimisht dhe veprojnë sipas kërkesave dhe nevojave pasi janë në kontakt të vazhdueshëm me shtabin emergjent komunal, ku ekipet e Hidromoravës janë në gatishmëri për intervenime në rrjeti ne kanalizimit, e po ashtu nëse është nevoja edhe nëpër shtëpi, nëpër bodrume, ku e sheh të arsyeshme edhe shtabi emergjent. /2LONLINE.com/

KOMENTE