Studentët shpallin “vdekjen klinike” të UP-së

Një grup studentësh kanë vendosur që sot në mënyrë simbolike para Rektoratit të Universitetit të Prishtinës, ta shpallim “vdekjen klinike” të UP-së. Kjo pasi ata mendojnë se me zgjedhjen e rektorit,Ramadan Zejnullahu, universiteti ka rënë në vdekje klinike.

Në një njoftim të tyre thuhet se suke i përcjellë zhvillimet e fundit në Universitet, në procesin e zgjedhjes së Rektorit, si studentë të pavarur të këtij universiteti janë jashtëzakonisht të shqetësuar me gjendjen e krijuar në këtë institucion.

“Ne mendojmë se me zgjedhjen e këtij rektori Universitetit të Prishtinës “Hasan Prishtina” i është dhënë goditja përfundimtare dhe universiteti ka rënë në vdekje klinike. Ne si student të këtij Universiteti sot në mënyrë simbolike në ora 13:00 para Rektoratit të UP-së do ta shpallim vdekjen klinike të UP-së. Ne konsiderojmë se për ta zgjuar UP-në nga kjo gjendje duhet të ndodh një zgjim studentor e po ashtu edhe intelektual”, thuhet në njoftim.