(2LONLINE) – Duke e përcjellë me vëmendje mjetet e informimit sidomos gjatë ditëve të fundit , ku me hapjen e të gjitha medieve si ato elektronike ashtu edhe ato të shkruara shohim skena të cilat me kujtonin ditët e kohës se okupimit të viteve të tetëdhjeta dhe nëntëdhjeta, çka me bëri të ndihem shpirtërisht dhe emocionalisht I shqetësuar nga skenat e pa hishme si nga ana e studenteve ashtu edhe nga ana e organeve të brendshme të Republikës së Kosovës, por edhe të Udhëheqjes së Rektoratit të Universitetit të Prishtinës.
Nga këto ngjarje u mundova të nxjerr se cila ishte e drejta dhe cila ishte e pa drejta nga tri palët.
1. Në njërën anë të studentëve të cilët konsiderohen dhe duhet të jenë një e ardhme e dijës dhe shkencës ,dhe një model i edukimit të brezave të së ardhmes,
2. Nga ana tjetër Rektorati i Universitetit -I cili është një mekanizëm më i lartë i Arsimit i cili është dhe duhet të jetë një model I rendit dhe transparencës dhe i shkencës universitare si,
3. Dhe e treta nga organet policore te cilat janë te thirrura për ruajtjen e qetësisë dhe institucioneve shtetërore të Kosovës që mezi kemi pritur të kemi institucionet tona policore legjitime .
Po dua të rikujtoj se pas shumë sakrificave të bëra nga shumë djem dhe vajza të Kosovës qe sot të kemi lirinë e shprehjes dhe kërkesave të ç’do individi apo grupi institucional ku konsiderohet se po e prek e keqja dhe kjo e keqe apo kërkesë për ndryshime në të mirë të të gjitha institucioneve tona po më duket se ende nuk po e kuptojmë se cilat janë rrugët më të mira dhe më të përshtatshme për zgjidhjen apo realizimin e vendosjes të një rendi apo edhe të një aprovimi , ndërrimi të një dukurie apo fenomeni që konsiderojmë se është e pa drejtë apo e drejtë .
Në vend të përdorimit të mekanizmave më të mirë të mundshëm apo rruge e cila përmes dialogut , formimit të komisioneve apo këshillave urgjente , përfaqësuesve të grupit të studenteve dhe nga na tjetër një formim grupi urgjent nga Rektorati si dhe një formim grupi urgjent nga ana e Ministrisë së Arsimit apo Qeverisë në rast të shpërthimit të llojeve të këso krizave të këtij lloji siç ishin këto ditë të fundit në Republikën tonë të Kosovës që po pretendojmë drejt ngjitjes së shkallëve të Bashkimit Evropian , ne përkundër kësaj zgjedhim formën me të egër më të ndyrë formën më të keqe formën që të kujton vitet e lartë shënuar që nënkupton jo që po ecim drejtë demokracisë, drejt intelektualizmit , drejt diturisë , drejtë kulturës njerëzore, drejtë kuptueshmërisë së drejtë të pranimit të së keqes dhe pranimit të së mirës apo edhe drejtë gjykimeve të mundshme për një stabilitet institucional apo shtetërorë , ne i kthehemi brutalitetit , gjuhës jo studentore , gjuhës jo intelektuale , gjuhës të cilës nuk I përket një intelektuali apo profesori universitarë .
Po të analizojmë sjelljen dhe gjuhën e përdorur të studenteve , intelektualeve(profesorëve), Rektoratit, Qeverisë Deputetëve parlamentar dhe mekanizmave tjerë, na le të kuptojmë se në Kosovë na duhet edhe shumë vit edukim, arsimim dhe trajnim të të gjitha strukturave, për të sjellë dhe shprehur, apo për të munduar të gjejmë shprehje intelektuale dhe njerëzore.
Me këtë ne po I tregojmë botës demokratike se ne nuk dimë të zgjedhim asnjë problem as më të voglin pa përdorimin a po sjelljen e dhunshme apo gjuhës së vrazhdë për një dukuri apo fenomen të caktuar nga njëra anë e studenteve apo grupeve të caktuara dhe nga ana tjetër e organeve të policisë të cilët marrin urdhra nga organet udhëheqëse të tyre e të gjorit bien në diskutim se si të veprojnë të marrin aksion apo jo, e të cilët e dinë mirë se ndaj kujt duhet të përdorin forcën (fëmijëve, vëllezërve , motrave dhe prindërve të tyre), që është pasojë e një mungesë të menaxhimit të mirëfilltë nga organet kompetente në këso lloj konflikte jo njerëzore dhe jo intelektuale nga të gjitha palët e lartë shënuar për të evituar këso lloj situatash të cilat kanë mundur në mënyrën me të mirë të mundshme të tejkalohen përmes përdorimit të mekanizmit intelektual , përdorimit të mendjes gjegjësisht të menduarit ndryshe.
E kjo ndryshe do të ishte më se e mira komunikimi I mirëfilltë ndërmjet palëve të lartshënuar përmes formimit të grupeve të caktuara për zgjidhje të kësaj dukurie që flitet e përflitet një kohë të gjatë e cila kishte treguar një intelektualitet dhe një mendjehollësi universitare dhe shtetërore por edhe tregim I një mesazhi drejt ndërkombëtarizmit global se ne dimë të zgjedhim edhe veprimit me te vështira nëse na paraqiten , e jo të përdoren mjete të ndryshme si ngjyra, materie kimik, shkopinj, gurë,… nga ana studentore dhe intelektuale,dhe nga ana tjetër (policia ) përdorim të gazit lotsjellës ,shufra ,shkelma e deri te burgosja, kundër kujt, kundër (vëllait , babait , motrës, shokut, familjarit ) me një fjalë shqiptari ndaj shqiptarit kjo nuk do koment.
Të përkufizojmë tri pikat e lartë shënuara
1. Organizmi protestave është e drejte dhe e mbrojtur me dispozita kushtetues për të kërkuar drejtësinë kundër një fenomeni të caktuar, por nuk e shoh të drejtë përdorimin e dhunës për të luftuar një dukuri të caktuar e sidomos kur bëhet fjalë për studentet që pretendojnë të jenë pjesë e rektoratit në të ardhmen, gjë e cila ka pasur mundësi të tejkalohen më mekanizma tjerë intelektual drejtë zgjidhjes së kësaj situate e jo përdorim të dhunës drejt futjes në Rektorat
2. Mbrojtja e institucioneve të krijuara për të gjithë popullin e sidomos aty ku është koka e dijes është shumë e arsyeshme në raste krizash apo sulmi ndaj tyre pavarësisht kushdo qoftë kundër tyre ,duhet të mbrohen nga organet e brendshme (policia), por nuk është e drejtë përdorimi I dhunës ndaj tjetrit , e rrugës ka qenë mos lejimi I ardhjes deri te kjo dukuri apo fenomen I caktuar, kur ka pasur mundësi zgjidhjeje të rrugëve tjera institucionale dhe mos të vihen Policët e Republikës se Kosovës në situate të pa lakmueshme .
3. Rektori I I universitetit , Këshilli I Rektoratit është e drejtë të jap apo mos të jap dorëheqje nga pozitat e tyre , por nuk është e drejtë që së paku një nga përfaqësuesit e rektoratit të dalin para protestuesve dhe së paku të thonë tri fjalë butësie ose inkurajimi për zgjidhjen e problemit që do të kishte qetësuar dukshëm masën , dhe për ti treguar që së shpejti do të zgjidhim edhe këtë problem në mënyrën me të mirë të mundshme me një koordinim Student –Rektorat –dhe Ministri e Arsimit, si tri forca të dijës.
Dhe në fund kisha rekomanduar që në Kosovë mos të përdorët gjuha e dhunë gjegjësisht forca fizike për të ndërruar apo kërkuar diçka që shkon në dëm të interesave të përgjithshme shtetërore, por të përdorët gjuha e mendjes dhe e dijës për zgjidhje të çfarëdo qoftë problematike sepse jemi në shekullin 21,që konsiderojmë se kemi arritur bazën intelektuale për të futur mendjen në përdorim e jo dhunën, sepse japim mesazh të keq jo vetëm botës së civilizuar por edhe brezit tonë të ardhshëm .
/Nevzat Shemsedini/
Autori është psikolog klinik – Ligjërues në Kolegjin” Fama “