Stublla e Epërme bëhet me park

Me qëllim të krijimit të hapësirave publike për qytetarët, në fshatin Stubëll të Epërme të Komunës së Vitisë, është përuruar sot parku i quajtur “Të kroi i Struzht”.

Me këtë rast, kryetarit i komunës Sokol Haliti, tha se investimi i kësaj hapësire publike do të shërbej për qytetarët si hapësirë e re rekreacioni dhe si vend i zhvillimit të aktiviteteve të shumta.

Marjan Ramaj, kryetar i këtij fshati falënderoj kryetarin Haliti, për financimin dhe realizim e këtij projekti por edhe të projekteve të tjera, që janë duke u realizuar në këtë lokalitet, duke përmendur rrugën alternative që sipas tij lidh me disa segmente.

Përndryshe, karakteristikë e këtij parku është se ai është rregulluar kryesisht me gurë natyral, duke ja dhënë bukurinë e kësaj zone.

Poashtu, në këtë hapësirë janë vendosur edhe mjetet përcjellëse si shportat e mbeturinave dhe të tjerë.

Këtë investim të komunës së Vitisë, e kanë mirëpritur banorët e këtij fshati, pasi që fshati ka edhe turistë që vizitoj muzeun e shkollës së parë shqipe, por edhe të bukurisë natyrore që ka. /2LONLINE/