Streetball-i mblodhi një numër të madh ekipesh nga komuna të ndryshme
Në Kamenicë, aktiviteti i Streetball-it u ka mbledhur një numër të madh ekipesh nga komuna të ndryshme të Kosovës, përfshirë Gjilanin, Prishtinën dhe Prizrenin.
Në Palestrën e Qytetit u zhvilluan ndeshje atraktive, të karakterizuara nga konkurrencë e fortë, frymë sportive dhe një atmosferë e jashtëzakonshme, duke tërhequr vëmendjen e shumë sportdashësve.
Finalja u zhvillua ndërmjet ekipit Bero Kingdom dhe ekipit United, ku pas një ndeshjeje shumë interesante, fitues u shpall ekipi Bero Kingdom.
Në aktivitet mori pjesë edhe Drejtori i Zhvillimit Ekonomik, Edon Dermaku, i cili jo vetëm që ndoqi nga afër ndeshjet, por zhvilloi edhe një lojë së bashku me ekipin e tij, duke i dhënë aktivitetit një atmosferë edhe më të veçantë.
Po ashtu, ekipi fitues u shpërblye me shumën prej 500€ kurse vendi i dytë mori shpërblimin prej 200€.
“Ky aktivitet dëshmoi edhe një herë rëndësinë e promovimit të sportit, bashkëpunimit ndërmjet të rinjve dhe krijimit të mundësive për garë të shëndetshme mes ekipeve nga komuna të ndryshme”, thuhet në njoftimin e komunës. /2LONLINE/