Ministri i Punëve të Jashtme të Gjermanisë, Frank-Walter Steinmeier, do të zhvillojë sot një vizitë zyrtare në Republikën e Kosovës. Me këtë rast, ministri Steinmeier do të zhvillojë takime me krerët shtetërorë të Kosovës me të cilët do të diskutojnë tema të ndryshme me interes bilateral.
Ministri i jashtëm gjerman Steinmeier do të takohet fillimisht me presidenten e Republikës së Kosovës, Atifete Jahjaga, e më pas edhe me kryeministrin Isa Mustafa dhe zëvendëskryeministrin e parë dhe njëherësh ministrin e Jashtëm, Hashim Thaçi.
Kryeministri Isa Mustafa do ta pres në takim në orën 17:15 ministrin e jashtëm gjerman, Frank-Walter Steinmeier, me të cilinën pastaj do të mbajnë një konferencë të përbashkët për media. “Pas takimit, kryeministri Isa Mustafa dhe ministri Frank-Walter Steinmeier, do të mbajnë një konferencë për medie”, është thënë në njoftimin e Zyrës së Kryeministrit.