Sqarohet UEFA, për penalltin e United-it

UEFA ka lëshuar një shpjegim për penaltinë e dhënë në ndeshjën PSG – Manchester United, e cila ndihmoi “Djajtë e Kuq” të kualifikohen tutje.

Referi Damir Skomina u njoftua nga dhoma e VAR me kodin “incident serioz i humbur”. Pas shikimi të reprizave, UEFA tha se gjyqtari dha penaltinë me arsyen sepse “krahu i Kimpembe nuk ishte afër trupit të tij” kur Dalot bëri goditjen e topit.

“Pas rishikimit, gjyqtari konfirmoi se distanca me top nuk ishte e shkurtër dhe ndikimi nuk mund të ishte  i papritur.Krahu i mbrojtësit nuk ishte afër me trupin, gjë që bëri që topi të ndalet në drejtimin e portës. Gjyqtari kështu akordoi penalti. Të gjitha vendimet e lartpërmendura janë në pajtueshmëri me protokollin e VAR-it” thuhet në sqarimin e UEFA-s.