/2L ONLINE/ – Sektorit të Sportit në kuadër të Njësisë për Kulturë, Rini e Sport, për t’i përmbushur objektivat e saja për vitin 2016 vlerëson se i duhen mbi 140 mijë euro, që do të shërbejnë për subvencione dhe mbulim të aktiviteteve të ndryshme. Në ndërkohë kuvendi në seancën e sotme pret të merr një vendim për subvencionimin e aktiviteteve sportive dhe shërbimeve tjera për katër klube sportive.
Malazog Hoxha, përgjegjës i Sektorit të Sportit ka bërë të ditur për Portalin 2LONLINE, se vitin e kaluar i kishin në disponim mbi 118 mijë euro, ndërsa vlerëson se për këtë viti për t’i përmbushur synimet i nevojiten mbi 140 mijë euro që do të shërbejnë për subvencionimin e klubeve, aktiviteteve sportive dhe shërbimeve tjera.
Ndërkohë, që ai me padurim po e pret pikën e rendit të ditës të seancës së sotme për të parë se si do t’i votojnë kuvendarët propozimet për subvencionimin e aktiviteteve sportive dhe shërbimeve tjera për katër klube sportive.
Sipas rendit të ditës, janë parapara të dalin para kuvendarëve, propozim vendimi për subvencionimin e aktiviteteve sportive dhe shërbimeve tjera të Klubit Futbollistik “Drita”
Propozim vendimi për subvencionimin e aktiviteteve sportive dhe shërbimeve tjera të Klubit Vollejbollistik “Drita” (F)
Propozim vendimi për subvencionimin e aktiviteteve sportive dhe shërbimeve tjera të Klubit Basketbollistik “Drita” (M)
Propozim vendimi për subvencionimin e aktiviteteve sportive dhe shërbimeve tjera të Klubit Futbollistik “Gjilani”.
Vlera që kërkohet për këto katër klube është 84 mijë euro.
KF “Drita”, – 33 mijë euro
KF :”Gjilani” – 30 mijë euro.
(sqarim: drita ka një punëtor më shumë për mirëmbajtje në kuadër të marrëveshjes).
KV “Drita” (F), – 10 mijë euro.
KB “Drita” (M) – 8 mijë
/2L ONLINE/