Spitali i Gjilanit: Shërbimi i Hemodializës vazhdon punën pa ndërprerje

Nga Spitali i Përgjithshëm në Gjilan kanë bërë me dije se dëshirojnë t’i njoftojnë qytetarët e Anamoraves, Kosovës Lindore, dhe më gjerë se shërbimi i Hemodializës vazhdon punën pa ndërprerje, ku nuk ka ndodhë në asnjë moment të kenë ndërprerje të shërbimit.

Drejtori ekzekutiv i Spitalit, Dr.Afrim Cana theksoi se janë në koordinim të plotë me SHSKUK dhe përgjegjësin e Hemodializës në SPGJ Dr.Afrim Bekteshi që ky shërbim të jetë aktiv me kapacitet të plot dhe normal, ashtu siç dihet planifikimet dhe objektivat e Spitalit janë që të iu dalin në ndihmë pacientëve sa herë që ata kanë nevojë për shërbimet  e këtij institucioni.

“Tani më sapo kemi filluar me projektin më të ri infrastrukturor për shërbimin e Dializës, projekti i cili do të jetë sipas standardeve evropiane dhe do të jetë model në rajon. Në fokus të veçantë për menaxhmentin e Spitalit është ofrimi i shërbimeve sa më cilësore për të gjithë qytetarët që kërkojnë ndihmë në Spitalin e Përgjithshëm Gjilan”, ka thënë drejtori Afrim Cana.   /2LONLINE/