Spitali i Gjilanit pranon një donacion me kompjuterë

/2L ONLINE/ – Zyra kryesore e UNMIK-ut në Kosovë OCSF-SRSG, përmes përfaqësuesit special të sekretarit të përgjithshëm Farid Zarif dhe Limon Limani pranë kësaj zyre, sot në Spitalin e Përgjithshëm të Gjilanit (SPGJ), kanë dorëzuar një donacion prej 15 kompjuterësh të kompletuar dhe 2UPS, ka bërë të ditur zyrtari për informim në SPGJ, Dr.Selami Kurteshi

Në pranimin e këtij donacioni të rëndësishëm ka marrë pjesë menaxhmenti I Spitalit, ku ndër të tjerash drejtori I këtij spitali Dr.Abdylatif Latifi falënderon zyrën e UNMIK-ut për ndihmën që kanë ofruar.

Siç deklaron Latifi ky donacion është shumë I dobishëm, dhe do të ndikojë në ngritjen e cilësisë së shërbimeve për pacientët pa dallim nacionaliteti apo feje.

“Besojmë që SRGJ-ja edhe në të ardhmen do të ketë një bashkpunim të mirë me Zyrën e UNMIK-ut në Kosovë”, ka thënë drejtori Latifi. /2L ONLINE/