Spitali i Gjilanit përmbyll vitin 2025 me realizimin e 2 mijë 267 operacioneve në shërbimet kirurgjike

Spitali i Përgjithshëm i Gjilanit e përmbylli vitin 2025 me realizimin e gjithsej 2267 operacioneve në shërbimet kirurgjike.

“Rritja e vëllimit të punës, së bashku me ngritjen e kapaciteteve shëndetësore, administrative dhe teknike, ka ndikuar drejtpërdrejt në rritjen e numrit dhe cilësisë së shërbimeve shëndetësore të ofruara për pacientët. Këto të dhëna janë prezantuar në mënyrë të detajuar përmes statistikave zyrtare”, thuhet në njoftimin e Spitalit.

Në Spitalin e Përgjithshëm të Gjilanit, sipas raportit zyrtar dymbëdhjetëmujor për periudhën janar–dhjetor 2025, janë kryer gjithsej 2267 ndërhyrje kirurgjike.

“Menaxhimi i saktë i situatave emergjente, si dhe kujdesi i vazhdueshëm para, gjatë dhe pas ndërhyrjeve kirurgjike, kanë kontribuar drejtpërdrejt në arritjen e rezultateve të suksesshme”, thuhet në njoftimin e Spitalit.  /2LONLINE/