Spektakël në basketbollin kosovar, orari i përballjeve të “Final 8” për Kupën e Kosovës

Nga 11 deri më 15 shkurt, Rahoveci do të jetë arenë e basketbollit, ku do të zhvillohen ndeshjet e Final 8. Tetë skuadra do të luftojnë për trofeun e artë të Kupës. Gjithashtu do të garohet edhe për Kupën në Ligën e Parë, si dhe në konkurrencën e femrave, ku tashmë dihet finalja Mabetex Prishtina-Bashkimi.

Ndeshjet pritet të jenë shumë interesante dhe dramatike. Atmosfera do të jetë e jashtëzakonshme në tribuna, me tifozëritë që kanë konfirmuar se do të udhëtojnë të përkrahin skuadrën e zemrës.

Organizatorët kanë premtuar se ky Final 8 do të jetë i jashtëzakonshëm, si asnjëherë më parë.

Skuadrat kanë premtuar se do të japin maksimumin në Final 8, duke i kushtuar rëndësi të madhe trofeut të Kupës.

Kjo është hera e dytë radhazi që Final 8 i Kupës mbahet në Rahovec.

Orari

E martë, 11 shkurt

14:00 Vëllaznimi – Istogu (Kupa e Ligës së Parë)

16:30 Grupi D Peja – Ponte Prizreni

19:00 Grupi A Rahoveci – Trepça

E mërkurë, 12 shkurt

14:00 AS Prishtina – Drita (Kupa e Ligës së Parë)

16:00 Grupi B Bashkimi – Feronikeli

19:00 Grupi C Sigal Prishtina – Golden Eagle Ylli

E enjte, 13 shkurt

14:00 Finalja e Ligës së Parë

16:30 Gjysmëfinalja e Parë

19:00 Gjysmëfinalja e Dytë

E shtunë, 15 shkurt

17:30 Finalja e Femrave

20:30 Finalja e Kupës së Kosovës