Sot zhvillohet Java e fundit e Superligës së Kosovës në Futboll

Sot zhvillohet Java e fundit e Superligës së Kosovës në Futboll. Tani më dihet kampioni i këtij sezoni dhe ekipet që do të luajnë në garat evropiane të futbollit, por kjo xhiro është e rëndësishme për ekipet që synojnë t’i shmangen barazhit.

Kujtojmë se Drita është kampioni i këtij sezoni, Ballkani e Malisheva, momentalisht në pozitat dy e tre (por pa u rrezikuar nga pozita e katërt), si dhe Dukagjini fitues i Kupës së Kosovës.

Ndërsa, ata që rrezikojnë barazhin janë Prishtina (49 pikë), Dukagjini (48 pikë), Gjilani (48 pikë), Drenica (47 pikë)  dhe Llapi (46 pikë) dhe kjo javë, e 36-ta, qartëson edhe këtë gjë, transmeton 2LONLINE.

Kujtojmë se Ferizaj dhe Prishtina e Re tashmë janë përshëndetur nga Superliga.

Qiftet e javës së fundit:
Gjilani – Prishtina e Re
Prishtina – Drenica
Dukagjini – Ballkani
Ferizaj – Llapi
Malisheva – Drita

Ndeshje luhen të gjitha në orën 16:00. /2LONLINE/