Sot votimi: Kosova në UNESCO!

Në ora 11:30 në Paris, ku po i zhvillon punimet Konferenca e Përgjithshme e UNESCO-s, në rend dite është caktuar votimi për pranimin e Kosovës në këtë organizatë.

UNESCO ka 195 anëtarë, ndërsa për ta siguruar anëtarësimin ne këtë organizatë Kosova duhet të sigurojë 2/3 e votave të anëtarëve të pranishëm në sallë.

Zëvendëskryeministri Hashim Thaçi, thotë se ai është “optimist i matur” për votimin e sotëm për Kosovën në UNESCO.

Thaçi thotë se Kosova ka bërë maksimumin për anëtarësim në UNESCO dhe beson se sot kjo çështje do të kalojë.