Sot u mbajt Olimpiada Matematike e Gjilanit

Sot u mbajt me sukses Olimpiada Matematike e Gjilanit, një ngjarje e rëndësishme arsimore që promovon dijen, mendimin kritik dhe talentin matematikor të nxënësve tanë, bënë me dije Shoqata e Matematikanëve të Gjilanit.

Me këtë rast, shprehim falënderimin dhe mirënjohjen tonë të veçantë për koordinatorin e deritanishëm të Olimpiadës, prof. Festim Shkodra, i cili për vite me radhë ka shërbyer me përkushtim, profesionalizëm dhe përgjegjësi në organizimin e kësaj gare të rëndësishme.

Kjo Olimpiadë kishte edhe karakter të veçantë, pasi ishte olimpiada përshëndetëse e prof. Festim Shkodra, duke shënuar përmbylljen e një angazhimi të çmuar dhe shembullor në shërbim të arsimit dhe matematikës në Gjilan.

Hapja e Olimpiadës u bë nga drejtori i deritanishëm i DKA-së, z. Shpend Nuhiu, si dhe kryetari i Shoqatës së Matematikanëve të Gjilanit, z. Bregan Isufi, të cilët u uruan suksese të gjithë garuesve dhe theksuan rëndësinë e investimit në talentet e reja dhe në arsimin cilësor.

Shoqata e Matematikanëve të Gjilanit mbetet e përkushtuar që edhe në të ardhmen të vazhdojë punën për zhvillimin e matematikës dhe përkrahjen e nxënësve të talentuar, Shoqata e Matematikanëve të Gjilanit.  /2LONLINE/