Sot shënohet Dita Ndërkombëtare e Tokës

22 prilli konsiderohet si ditë që mëton vetëdijesimin e njerëzve lidhur me degradimin e vazhdueshëm të planetit tonë, përfshirë braktisjen dhe keqpërdorimin, ndotjen nga industritë kimike dhe erozionin e shkaktuar nga shpyllëzimet masive.

Themeluesi i Ditës ndërkombëtare të Tokës është senatori amerikan Gaylord Nelson, i cili me qëllimin që problemet e kësaj natyre të hynin në vëmendjen e politikanëve, në vitin 1962 propozoi për kremtimin e Ditës së Tokës propozim i cili më vonë mori edhe aprovimin e presidentit të SHBA-ve.

Pikërisht me këtë datë ndërmerren aktivitete të ndryshme për të mbjellë, lule, pemë, pastruar ambiente publik, dhe shumë aktivitete që synojnë të rrisin ndërgjegjësimin qytetar ndaj çështjeve mjedisore.