Sot protestë kundër dhunës ndaj gazetarëve

Asociacioni i Gazetarëve të Kosovës, i indinjuar me sulmet në rritje ndaj gazetarëve, të martën prej orës 11:00, bënë thirrje për protestë të gjithë gazetarëve, përfaqësuesit e medieve, të shoqërisë civile dhe qytetarëve, në sheshin “Zahir Pajaziti” në Prishtinë.

Qëllimi i organizimit të kësaj proteste është sensibilizimi i opinionit me dhunën në rritje ndaj gazetarëve, sidomos pas rastit të fundit të therrjes me thikë të gazetari, Milot Hasimja.

AGK përmes një komunikate për medie u bën thirrje organeve të rendit dhe atyre të drejtësisë, që të ndërmarrin masa me qëllim të krijimit të një mjedisi të sigurt për ushtrimin e profesionit të gazetarisë dhe të lirisë së shprehjes.