Sot pritet që kryetari i Gjilanit dhe këshilltarët komunalë të japin betimin

Pas certifikimit të rezultateve të zgjedhjeve për kryetar të Komunës së Gjilanit dhe për anëtarët e Kuvendit Komunal, nga Komisioni Qendror i Zgjedhjeve, kryetari i Komunës së Gjilanit, Alban Hyseni, ka ftuar këshilltarët e rinj të asamblesë për dhënien e betimit.

Seanca inauguruese e Kuvendit Komunal dhe kryetarit të Komunës së Gjilanit, do të mbahet sot,  më 10 dhjetor 2025, me fillim në orën 10:00, në Shkollën e Mesme të Agrobiznesit dhe Teknologjisë “Sahit Baftiu”.

Në këtë mbledhje, përbërja e re, përkatësisht 35 anëtarë të përbërjes së re të Kuvendit Komunal të Gjilanit dhe kryetari i Komunës së Gjilanit, Alban Hyseni, do ta japin betimin.

Kjo seancë do të udhëhiqet nga anëtari më i vjetër i përbërjes së re të KK-së, Isa Agushi. /2LONLINE/