Sot nis ndërtimi i Ambasadës së SHBA-së

Shtetet e Bashkuara të Amerikës (SHBA), sot ( e martë) do të nisin ndërtimin e Ambasadës në Prishtinë. Në ceremoninë e fillimit  të ndërtimit të kësaj ambasade do të marrë pjesë edhe presidentja Atifete Jahjaga. “Ambasada e ShBA-së në Prishtinë ka kënaqësinë të njoftojë për ceremoninë e fillimit të ndërtimit të kompleksit të saj të ri. Ambasadorja e ShBA-së në Kosovë, Tracey Ann Jacobson, dhe presidentja e Kosovës, Atifete Jahjaga, do të mbajnë fjalime me këtë rast historik”, është thënë në njoftimin e Ambasadës amerikane në Prishtinë.