Sot në Antalia zhvillohet Superkupa e Kosovës, FC Drita – FC Prishtina

Sot (e diel), zhvillohet ndeshja e Superkupës së Kosovës në Antalia të Turqisë. Ky ballafaqim fillon në ora 14:30, sipas orës lokale të Turqisë, 12:30 sipas kohës në Kosovë.

Ndeshja do të luhet në stadiumin “Mardan Palace” në Antalia, ku do të përballen FC Drita, si kampione e Kosovës dhe FC Prishtina, si fituesja e Kupës së Kosovës për edicionin 2024/25.

Duke marrë parasysh faktin se të dyja ekipet janë të angazhuara në fazën përgatitore dimërore në Antalia, Komiteti Ekzekutiv i Federatës së Futbollit të Kosovës, në përputhje me agjendën e klubeve, kishte marrë vendim që Superkupa e Kosovës të zhvillohet në këtë periudhë dhe në këtë lokacion.

⚽ SUPERKUPA E KOSOVËS ⚽
? FC Prishtina ? FC Drita ?
? 25.01.2026
⏰ 14:30 (Koha lokale në Turqi)
⏰ 12:30 (Koha lokale në Kosovë)
? Stadiumi “Mardan Palace”, Antalya
? Përballje mes fituesit të Albi Mall Superligës dhe fituesit të Kupës së Kosovës
? Transmetim direkt në Art Sport