Sot, mot i ndryshueshëm

Instituti Hidrometeorologjik i Kosovës (IHMK) bënë të ditur se gjatë ditës së sotme do të mbajë mot i ndryshueshëm i shoqëruar me vranësira dhe me diell.

Sipas IHMK-së, vranësirat në pjesën e dytë të ditës vende-vende do të shoqërohen me reshje shiu. Kjo gjendje jostabile e motit do të mbretëroj vetëm në gjysmën e parë të javës, kurse në pjesën e dytë të javës pritet stabilizim i motit.

IHMK bënë të ditur se temperaturat minimale do të lëvizin ndërmjet 12-14 gradë celsius, kurse maksimalet e ditës parashihet të lëvizin nga 26 -28 gradë celsius.

Do të fryjë erë nga drejtimi i juglindjes dhe jugperëndimit me shpejtësi deri 9m/s.