Sot inaugurohet shkolla e re në Roganë
/2L ONLINE/ – Kryetari i Komunës së Kamenicës Begzad Sinani ka marrë pjesë në takimin e bordit të AZHR-së Lindje dhe Komisionin Europian. Sinani në fjalën e tij falenderoi Zyrën e Bashkësisë Europiane në Kosovë, përfaqsuesin Christof Shtok, për projektet e realizuara deri tani.
“Rezultat i bashkëpunimit tonë është edhe inaugurimi i shkollës së re në Roganë që do të bëhet sot. Ne do të vazhdojmë këtë bashkëpunim edhe për projektet tjera nga Komunën e Kamenicës” ka thënë Sinani.
Përndryshe, Komuna e Kamenicës për vitin 2016 ka aplikuar në Komisionin Europian me tri projekte ndërtimin e shkollave në Berivojcë, Busavatë dhe Krilevë. Ndërkohë që sot në fshatin Roganë të Kamenicës, do të bëhet përurimi i objektit të ri të shkollave të mesme i cili është financuar nga programi i BE-së, ndërsa inventarin e ka siguruar MASHT-i.
Me funksionalizimin e këtij e këtij objekti shkollor merr fund organizimi i mësimit në tri ndërrime në shkollat e Komunës së Kamenicës. Në ceremoninë përuruese pritet të marrin pjesë: z. Christof STOCK, përfaqësuesi i BE-së, Ministri i Arsimit z. Arsim Bajrami, Kryetari i komunës z. Begzad Sinani dhe Drejtori i Drejtorisë së Arsimit në Komunën e Kamenicës z. Agim Shkodra. Përurimi bëhet ora 13.00. /2L ONLINE/