Sot Gjilani-Flamurtari, kjo është historia e përballjeve të tyre

Sot me fillim nga ora 13:00 në Stadiumin e Qytetit në Gjilan zhvillohet takimi i javës së 19-të, mes Kf.Gjilanit dhe Flamurtarit.

Ndeshja e kampionatit të Supërligës së Kosovës në futboll vjen pas fitores së Flamurtarit ndaj rivalit lokal Prishtina, ndërsa Gjilani pas humbjes poashtu nga rivali lokal, Drita.

Kjo është përballja e 27-të e këtyre dy skuadrave që nga paslufta, në kampionat dhe në Ligën e parë.

12 fitore i kanë takuar Gjilanit, 10 fitore i kanë takuar Flamurtarit, ndërkohë 5 takime kanë përfunduar me rezultat të barabartë.

Gjilani ka statistika më të mira në gola të shënuar, asi kanë realizuar 39 gola përballë Flamurtarit që ka realizuar 33 (6 prej tyre me rezultat zyrtar).