Sot, ekspozohet numri më i ri i revistës letrare “Agmia”
Sot, ora 12:00, ekspozohet numri më i ri i revistës letrare “Agmia”
Sot, në Gjilan , në hollin e Bibliotekës së qytetit “Fan S. Noli” paraqitet numri më i ri i revistës letrare AGMIA, numri i 51, i cili i përkushtohet shkrimtarit të shquar gjilanas, Beqir Musliut, në 30 vjetorin e kalimit në amshim.
Ky numër i revistës letrare AGMIA, përfshinë dhe kumtesat e tryezës letrare të “Penflakës”, mbajtur më 24 janar 2026, në kuadër të Manifestimit kombëtar të kulturës, “Flaka e Janarit”, e cila iu pat kushtuar krijimtarisë letrare të këtij autori mjaftë të frytshëm.
Natyrisht, është përfshi edhe një bisedë e hershme e Beqir Musliut, mbase biseda e tij e parë në shtypin periodik të Kosovës, realizuar nga gazetari atë kohë, Rrustem berisha, publikuar në “Zëri i rinisë”, si dhe disa poezi të tij.
Kjo revistë, numri i parë i së cilës është botuar në vitin 1994 dhe qe pagëzuar po nga Beqir Musliu, përfshinë edhe krijimet e shpërblyera të pjesës letrare të Manifestimit “Flaka e Janarit”, krijimet e “Penflakës” dhe një kronikë të gjerë kulturore dhe lexuesve të kësaj biblioteke do t’iu lihet gratis…
Jeni të mirëseardhur …
/Ars Clubi “Beqir Musliu” Gjilan/