Sonte në Teatrin e Gjilanit vjen “Jam unë ajo”, shfaqje përmbyllëse e Festivalit “Talia e Flakës”

Sonte, e martë, 28 janar, ora 20:00 | shfaqja “Jam unë ajo” mbyll Festivalin e Dramës Origjinale Shqipe “Talia e Flakës 2025”

Autore: Valmira Thaqi dhe Dituri Neziraj

Regjisor: Erson Zymberi (jashtë konkurence në çmimin “Regjia më e mirë”)

Luajnë: Tringa Hasani dhe Semira Latifi

Skenografia: Bekim Korça

Kostumografe: Njomëza Luci

Koreografia: Gjergj Prevazi

Kompozitor: Tomor Kuçi

Dizajner i ndriçimit: Burim Baftiu

Për shfaqjen:

Dija dhe Vesa, dy gra të ndara nga realitete të ndryshme, por të lidhura nga e njëjta barrë e padukshme: depresioni pas lindjes. Përmes tyre zbërthehet një histori që nuk është thjesht personale, por një klithmë kolektive. Në errësirën e brendshme, ku përzihen ndjenja faji dhe paaftësie, ato ballafaqohen me një botë që u refuzon të drejtën për të qenë të thyeshme.

Shfaqja eksploron një plagë sociale që fshihet pas buzëqeshjeve të rreme dhe pritshmërive të pashpirt. Në një sistem ku “nënat janë heroinat e heshtura,” ky rrëfim i guximshëm nuk pyet për leje – ai sfidon tabutë dhe i detyron të gjithë të shohin atë që duan të injorojnë. /2LONLNE/